Þegar tímabilinu í þýsku Bundesligunni er lokið liggur fyrir að tæknifeilar höfðu veruleg áhrif á gengi liðanna. Í hraðri og krefjandi deild eins og Bundesligunni geta of margir tapaðir boltar skipt sköpum í baráttunni um stig og titla.

Tölfræðin sýnir að aðeins þrjú lið voru með meira en tíu tæknifeila að meðaltali í leik á tímabilinu. Bergischer HC var efst á þeim lista með 10,59 tæknifeila að meðaltali í leik, á undan ThSV Eisenach og SC DHfK Leipzig.

Í hinum enda listans voru þýsku meistararnir SC Magdeburg með fæsta tæknifeila allra liða, eða aðeins 6,59 að meðaltali í leik. Þar á eftir komu TBV Lemgo Lippe og Füchse Berlin.

Athygli vekur hversu lítill munur er á mörgum liðum deildarinnar. Aðeins einn tæknifeill að meðaltali skilur að SG Flensburg-Handewitt í sjötta sæti og HC Erlangen í fimmtánda sæti.

Þegar kemur að einstökum leikmönnum var Felix Aellen hjá ThSV Eisenach með flestar tæknifeila á tímabilinu, alls 134.

Í öðru sæti var Gísli Þorgeir Kristjánsson hjá SC Magdeburg með 84 tapaða bolta og í því þriðja Haukur Þrastarson hjá Rhein-Neckar Löwen með 79.

Það endurspelgar einnig hversu mikla ábyrgð þessir leikmenn bera í sóknarleik sinna liða, enda eru þeir mikið með boltann í höndunum og stýra stórum hluta sóknaraðgerða liðanna.

Hér að neðan má sjá lista yfir öll liðin í þýsku deildinni: