Álaborg varð um helgina danskur Ofurbikarmeistari eftir sigur á Skanderborg AG, 31-28, í Bambuni Super Cup í Arena Randers.

Álaborg leiddi með einu marki í hálfleik, 17-16, og hélt frumkvæðinu allan síðari hálfleikinn. Liðið vann seinni hálfleikinn 14-12 og tryggði sér þar með sigurinn.

Mads Hoxer var markahæstur hjá Álaborg með sjö mörk og Thomas Arnoldsen skoraði sex. Tobias Nielsen og Magnus Landin gerðu fjögur mörk hvor, en Sander Sagosen og Felix Möller skoruðu þrjú hvor. Magnus Landin gekk í raðir Álaborgar í sumar rá Kiel.

Hjá Skanderborg var Jóhann á Plógv Hansen markahæstur með sjö mörk og Jeppe Cieslak kom næstur með sex. Christoffer Sundsgaard Dreyer skoraði fimm.

Kristján Örn Kristjánsson, Donni, skoraði þrjú mörk fyrir Skanderborg úr þeim skotum sem hann fékk í leiknum. Morten Kaalund og Fredrik Olsson skoruðu einnig þrjú mörk hvor.

Álaborg hafði því betur í jöfnum leik og lyfti Ofurbikarnum eftir að hafa verið einu marki yfir í hálfleik.