Hægri skyttan í liði Fjölnis, Aðalsteinn Örn Aðalsteinsson hefur ekki verið sjáanlegur hjá liði Fjölnis í fyrstu tveimur leikjum þeirra í Grill 66 deildinni.

Það munar heldur betur um minna fyrir Fjölnis liðið enda var Aðalsteinn markakóngur Grill 66 deildarinnar í fyrra.

Við settum okkur í samband við hann og spurðum hann hvers vegna hann væri ekki búinn að vera með í fyrstu 2 leikjunum.

"Ég er að glíma við smá meiðsli. Fékk óheppilegt högg á æfingu fyrir rúmum 3 vikum. Þetta er annaðhvort brákað eða brotið rifbein. Vonandi verð ég ekki lengur frá en 2-3 vikur í viðbót" sagði Aðalsteinn Örn Aðalsteinsson.

Fjölnir hefur tapað fyrstu tveimur leikjum sínum í Grill66-deildinni en var dæmdur sigur gegn Hvíta riddaranum í 1.umferðinni eftir að Hvíti riddarinn lék með ólöglegt lið. Fjölnir er því með tvö stig eftir tvær umferðir.