Momir Ilic sagði upp störfum hjá þýska úrvalsdeildarliðunum Wetzlar í dag. Félagið tilkynnti þetta nú rétt í þessu.

Félagið er í næsta neðsta sæti deildarinnar með fimm stig, jafn mörg stig og Leipzig sem eru á botni deildarinnar. Liðið hefur tapað tíu leikjum í röð.

Momir Ilic tók við liðinu í sumar ásamt Vladan Jordovic. ,,Við höfum reynt mikið síðustu mánuði og gert okkar besta," sagði Ilic í fréttatilkynningu frá HSG.

,,Úrslit síðustu leikja hafa verið jafn slæm fyrir okkur og þau eru fyrir alla aðdáendur, alla styrktaraðila og alla sem bera þetta félag í hjarta sínu. Félagið og fólkið hér í Wetzlar hefur orðið mér kært á mjög skömmum tíma. Þess vegna harma ég þessa þróun. Á sama tíma tek ég ábyrgð í þessari erfiðu stöðu,“ sagði Momir Ilic.

Næsti leikur liðsins er á sunnudaginn gegn Fuchse Berlín.