Landsliðsmaðurinn Teitur Örn Einarsson er orðaður við Wetzlar en hann er í dag leikmaður Gummersbach.

Rúnar Sigtryggsson tók nýverið við liði Wetzlar sem er í mikilli botnbaráttu í þýsku úrvalsdeildinni en liðið sárvantar örvhentan leikmann síðari hluta tímabilsins vegna meiðsla. 

Rúnar sagði í samtali við Handkastið á dögunum að liðið væri einungis með einn leikfæran örvhentan leikmann í leikmannahópi sínum og það væri nokkuð ljóst að liðið myndi reyna styrkja sig í janúar með örvhentum leikmanni.

Það er Hen Livgot sem segir frá á X síðu sinni að Teitur sé orðaður við Wetzlar. Hann segir áhuga Wetzlar vera mikinn og tilboð sé væntanlegt. 

Teitur gæti væri frábær lausn fyrir Wetzlar í sínum meiðslavandræðum þar sem Teitur getur bæði spilað sem hægri skytta og hægra horn auk þess að spila bakvörð varnarlega. Teitur var óvænt valinn í íslenska landsliðshópinn fyrir EM sem hægri hornamaður og þá vill Snorri Steinn spila Teit sem bakvörð varnarlega til að geta hvílt Ómar Inga og Viggó varnarlega.

Wetzlar er í næst neðsta sæti deildarinnar með sjö stig, þremur stigum frá Minden sem eru í neðsta örugga sætinu í þýsku úrvalsdeildinni. Rúnar hefur stýrt Wetzlar í þremur leikjum en liðið vann Eisenach undir hans stjórn. 

🚨🇮🇸 BUNDESLIGA MOVE INCOMING?
HSG Wetzlar are pushing hard to sign Teitur Einarsson. Offer expected immediately. Serious interest and concrete steps underway.

© Hen Livgot (@livgot)#Handball pic.twitter.com/G68NB161BL

— Hen Livgot (@Hen_Livgot) December 30, 2025