Olís-deild kvenna fer aftur af stað eftir jólafrí laugardaginn 10. janúar þegar þrír leikir fara fram en umferðin klárast síðan sunnudaginn 11. janúar þegar ÍBV og Haukar mætast í Vestmannaeyjum.

Sara Dögg Hjaltadóttir leikmaður ÍR er lang markhæsti leikmaður deildarinnar fyrir áramót með 108 mörk en Sandra Erlingsdóttir leikmaður ÍBV kemur næst með 90 mörk. Liðsfélagi Söndru, Birna Berg Haraldsdóttir er fimmta markahæst með 70 mörk.

Handkastið hefur tekið saman markahæstu leikmenn Olís-deildarinnar eftir 11.umferðina:

1. Sara Dögg Hjaltadóttir (ÍR) - 108 mörk
2. Sandra Erlingsdóttir (ÍBV) - 90 mörk
3. Jóhanna Margrét Sigurðardóttir (Haukar) - 85 mörk
4. Natasja Hammer (Stjarnan) - 71 mark
5. Birna Berg Haraldsdóttir (ÍBV) - 70 mörk
6. Alfa Brá Oddsdóttir Hagalín (Fram) - 65 mörk
7. Tinna Valgerður Gísladóttir (KA/Þór) - 61 mark
8. Mia Kristin Syverud (Selfoss) - 61 mark
9. Lovísa Thompson (Valur) - 59 mörk
10. Susanne Pettersen (KA/Þór) - 53 mörk