Nú á dögunum gekk línumaðurinn Arnbjörg Bertha Kristjánsdóttir til liðs við Gróttu frá Víking. Hún er uppalin í Fram en hafði verið í herbúðum Víkinga síðastliðin tvö ár.

Arnbjörg Bertha skoraði 31 mark í 19 leikjum í vetur fyrir Víking sem lenti í 3. sæti með 20 stig. 16 stigum á eftir Gróttu sem lenti í 2. sæti.

Handkastið fékk viðbrögð frá Arnbjörgu Berthu um þessi félagaskipti.

,,Ég kveð Víking með hlýju og þakklæti efst í huga. Nú tekur við nýr kafli og ég er virkilega spennt að ganga til liðs við Gróttu. Metnaðurinn í félaginu er mikill og ég hlakka til að vera hluti af næstu skrefum með öflugum hópi leikmanna auk þess sem þjálfarateymið er frábært" sagði Arnbjörg Bertha Kristjánsdóttir nýjasti leikmaður Gróttu.