Eftir frábærar 50 mínútur Fram í fyrsta leik liðsins í undanúrslitaeinvíginu gegn Val þá sá liðið ekki til sólar í öðrum leik liðanna en Valur hefur unnið báða leiki liðanna til þessa og leiðir því í einvíginu 2-0. Valur vann annan leik liðanna með níu mörkum 18-27.

Liðin mætast í þriðja sinn í kvöld í Valsheimilinu klukkan 19:30 þar sem deildar- og bikarmeistarar Vals geta tryggt sér sæti í úrslitaeinvíginu.

Hörður Magnússon, Rakel Dögg Bragadóttir og Vignir Stefánsson fóru ítarlega yfir leikinn sem fram fór í Úlfarsárdal um helgina í Handboltahöllinni sem sýnd var í Sjónvarpi Símans á mánudagskvöldið.

Þar var farið yfir slæman kafla Fram í fyrri hálfleik, frábæran leik Hafdísar og góða innkomu Örnu Sifjar í marki Fram. Farið var yfir breiddina í liði Vals og innkomu Mariam Eradze og Elísu Elíasdóttur.

Hægt er að sjá umfjöllun Handboltahallarinnar um leikinn hér að neðan.