Rakel Dórothea Ágústsdóttir hefur samið við Handknattleiksdeild Aftureldingar um að leika með liðinu næstu tvö árin.

Rakel kemur í Mosfellsbæinn frá Stjörnunni, en hún hefur spilað með þeim síðan 2023. Rakel er skytta sem er uppalin hjá HK. Í vetur spilaði hún 21 leik með Stjörnunni og skoraði 5 mörk. Rakel var í öllum yngri landsliðum Íslands á árum áður.

"Við erum gríðarlega stolt að því að Rakel hafi valið að semja við Aftureldingu og vilji taka þátt í þeirri uppbyggingu og vegferð sem er framundan" segir í tilkynningu frá Aftureldingu.

Afturelding er sem stendur ennþá þjálfaralaust en leit stendur yfir að næsta þjálfara kvennaliðsins.