Britney Cots leikmaður við ÍBV rennur út af samningi í sumar og hefur henni verið sýndur áhugi frá liðum í Olís-deildinni.

Britney Cots var lykilmaður varnarlega hjá ÍBV í vetur sem endaði í 2.sæti bæði í Olís-deildinni og í úrslitakeppninni og þá fékk hún aukið hlutverk sóknarlega þegar leið á tímabilið.

Samkvæmt heimildum Handkastsins hafa bæði Valur og Fram áhuga að fá Cots í sínar raðir fyrir næstu leiktíð og þá hafa Haukar einnig sýnt henni áhuga en Britney gekk í raðir ÍBV frá Stjörnunni sumarið 2023 og var því að klára sitt þriðja tímabil með ÍBV á dögunum þegar liðið tapaði gegn Val í úrslitaeinvígi Íslandsmótsins. 

ÍBV hefur einnig áhuga á að halda leikmanninum og hefur Cots samkvæmt heimildum Handkastsins fengið samningstilboð frá ÍBV.

Cots hefur leikið hér á landi síðan árið 2018 og en hún lék þrjú tímabil með FH áður en hún skipti yfir til Stjörnunnar sumarið 2021.