Markvörðurinn Sara Xiao hefur gengið í raðir Fjölnis í Grill66-deildinni en hún kemur til félagsins frá Selfossi.

Sara sem er uppalin í Fram er fædd árið 2004 og hefur komið víða við á ferlinum en hún hefur meðal annars leikið með FH og Gróttu á ferlinum.

,,Hún er öflugur markvörður sem hefur vakið athygli fyrir öryggi sitt í markinu, góð viðbrögð og mikinn metnað," segir í tilkynningunni frá Fjölni.

Halldór Torfi Pedersen, í meistaraflokksráði kvenna, er einstaklinga ánægður með að hafa landað Söru.

,,Við teljum Söru passa einstaklega vel inn í ungan og metnaðarfullan hóp félagsins og bindum miklar vonir við framlag hennar á komandi tímabilum.“

Sara sjálf er spennt fyrir nýjum kafla hjá Fjölni: „Ég er mjög spennt að vera að koma í Fjölni og fá að takast á við nýjar áskoranir.“

Signý Pála varði mark Fjölnis á síðustu leiktíð en hún er flutt erlendis í nám og er Sara því ætlað að fylla hennar skarð.