Botnlið þýsku úrvalsdeildarinnar, DhfK Leipzig tilkynnti í morgun að Blær Hinriksson hafi framlengt samningi sínum við félagið og leikur með liðinu á næstu leiktíð.

Einungis tvær umferðir eru eftir af þýsku Bundesligunni og allt bendir til þess að Leipzig leiki í þýsku B-deildinni á næstu leiktíð. Blær gekk í raðir félagsins frá Aftureldingu síðasta sumar og er á sínu fyrsta ári í atvinnumennsku.

Blær gerir eins árs framlengingu á samningi sínum við félagið sem er á botni deildarinnar með 13 stig, fjórum stigum frá öruggu sæti og þarf kraftaverk til að halda sæti sínu í deildinni. Á dögunum var Blær orðaður við danska úrvalsdeildarfélagið Bjerringbro/Silkeborg en nú er ljóst að ekkert verður úr því.

Tveir aðrir leikmenn framlengdu samningi sínum við félagið á sama tíma en það eru þeir Luka Rogan frá Serbíu og Matej Klima frá Tékklandi. 

View this post on Instagram

A post shared by SC DHfK Leipzig (@dhfkhandball)