Úlfar Páll Monsi Þórðarson komst ekki á blað meðal markaskorara í fimm marka tapi Alkaloid gegn RK Eurofarm Pelister í lokaleik sínum í úrvalsdeildinni í Norður-Makedóníu.

Eurofarm Pelister unnu leikinn 31-26 og fóru þar með upp fyrir Ohrid í 2.sæti deildarinnar. Vardar tryggðu sér meistaratitilinn fyrir nokkru síðan og enduðu með átta stig forystu á toppi deildarinnar.

Úlfar Páll sem gekk í raðir Alkaloid frá Val í sumar var einu sinni vikið af velli í leiknum í dag.

Alkaloid hófu leikinn betur og komust í 3-0 og voru einnig þremur mörkum yfir í stöðunni 9-12 og 10-13. Staðan var hinsvegar 14-15 Alkaloid í vil í hálfleik.

Heimamenn skoruðu hinsvegar tvö fyrstu mörk seinni hálfleiks og komust þar með í fyrsta sinn í forystu í leiknum. Eftir það var ekki aftur snúið og unnu þeir að lokum fimm marka sigur eins og fyrr segir.