Füchse Berlin komust í úrslit Meistaradeildarinnar annað árið í röð eftir 40-35 sigur á Magdeburg í fyrri undanúrslitaleik dagsins.

Mathias Gidsel var allt í öllu í sóknarleik Berlínarrefanna og skoraði 9 mörk. Ómar Ingi Magnússon var atkvæðamestur hjá Magdeburg og skoraði hann einnig 9 mörk. Gísli Þorgeir Kristjánsson skoraði 5 mörk en Elvar Örn Jónsson komst ekki á blað þrátt fyrir eina tilraun.

Füchse Berlin voru með yfirhöndina nær allan leikinn og voru alltaf skrefinu á undan í fyrri hálfleiknum. Um miðbik síðari hálfleiks leit út fyrir að Magdeburg væru að ná endurkomu og tókst þeim að jafna í stöðunni 29-29 og voru einu marki yfir næstu mínúturnar en þegar staðan var 33-32 fyrir Magdeburg skellti Milosavljev í lás og Mageburg tókst ekki að skora næstu 10 mínúturnar og voru þeir þá búnir að missa Berlin frá sér.

Hinum megin á vellinum náðu markmenn Magdeburg sér aldrei strik og má segja að það hafi orðið þeim að falli.