Kvennalið ÍR hefur bætt við sig markmanni fyrir komandi tímabil í Olís-deildinni en Elísa Helga Sigurðardóttir hefur gengið í raðir félagsins.

Elísa Helga sem er fædd árið 2004 gengur í raðir ÍR frá Haukum þar sem hún hefur verið varamarkvörður á eftir Söru Sif Helgadóttur.

,,Við ÍR-ingar bindum miklar vonir við hennar komu og hlökkum til að sjá hana taka næstu skref í Skógarselinu á á komandi árum," segir í tilkynningunni frá ÍR.

Davíð Georgsson er nýráðinn þjálfari kvennaliðs ÍR en þetta er fyrsti leikmaðurinn sem gengur í raðir félagsins í sumar en Elísa Helga hafði skrifað undir við ÍR þegar Grétar Áki Andersen var enn við stjórnvölinn.