Eftir þrjá sigurleiki í röð á heimsmeistaramóti U20 ára kvenna í Kína tapaði íslenska landsliðið gegn Egyptalandi í gær í undanúrslitum í Forsetabikarsins.

Þar með er ljóst að liðið mætir því brasilíska í lokaleik sínum á mótinu í dag klukkan 8:15.

Brasilía tapaði í gær gegn Króatíu eftir vítakastkeppni og það má því búast við hörkuleik hjá stelpunum. Sigurvegari leiksins tryggir sér 19. sætið á mótinu.

Leikur Ísland og Brasilíu er sýndur beint á Youtube og hægt er að nálgast beint streymi af leiknum hér að neðan.