Vinstri hornamaðurinn, Bjarki Már Elísson hefur samið við stórliðið, Paris Saint Germain í Frakklandi fyrir komandi leiktíð. Samningur Bjarka Más við félagið er til eins árs.

Bjarki Már gengur í raðir félagsins eftir fjögur tímabil með Veszprém í Ungverjalandi en samningur hans við félagið rann út um síðustu mánaðarmót.

Er Bjarka Má ætlað að fylla skarð franska landsliðsmannsins, Mathieu Grébille sem sleit hásina og verður frá keppni í nokkra mánuði.

Bjarki Már sem varð 36 ára í maí leikur því áfram í Meistaradeildinni á næstu leiktíð en PSG hafa orðið franskir meistarar síðan 2015.

View this post on Instagram

A post shared by Paris Saint-Germain Handball (@psghandofficiel)