Samkvæmt heimildum Handkastsins hefur Árni Stefán Guðjónsson látið af störfum sem aðalþjálfari kvennaliðs FH eftir þrjú tímabil við stjórnvölinn.

Árni Stefán tók við liðinu sumarið 2023 og stýrði því í þrjú tímabil. Á þeim tíma vann hann að uppbyggingu liðsins sem hefur verið í Grill66-deildinni.

FH hafnaði í 4. sæti Grill66-deildarinnar á síðasta tímabili en tókst ekki að tryggja sér sæti í Olísdeildinni eftir tap gegn Stjörnunni í undanúrslitum umspilsins.

Samhliða þjálfarastarfinu hefur Árni Stefán unnið fyrir Viðreisn í Hafnarfirði og eftir kosningarnar í vor varð ljóst að Árni Stefán vann sér inn sæti í bæjarstjórn Hafnarfjarðar. Eftir það varð ljóst að Árni Stefán þyrfti mögulega að hætta sem þjálfari FH-liðsins vegna anna.

Hvorki FH né Árni Stefán hafa staðfest brotthvarfið opinberlega en samkvæmt heimildum Handkastsins er félagið þegar búið að ráða nýtt þjálfarateymi fyrir komandi tímabil.