Sigtryggur Daði Rúnarsson hefur framlengt samning sinn við ÍBV til ársins 2027.

Sigtryggur Daði hefur verið hjá ÍBV síðan haustið 2020 og er búinn að koma sér mjög vel fyrir á Eyjunni fögru. Hann er einn af reynslumestu mönnum liðsins og var í Íslandsmeistaraliði ÍBV árið 2023.

Hann getur leyst allar stöðurnar fyrir utan og er öflugur varnarmaður. Hann skoraði 38 mörk í 14 leikjum á síðasta keppnistímabili.

"Við erum glöð að halda Sidda innan raða ÍBV áfram og hlökkum til áframhaldandi samstarfs" segir í tilkynningu frá ÍBV.