Eva Hrund Harðardóttir sem var ráðin þjálfari meistaraflokks kvenna hjá Víking í sumar er hætt störfum hjá félaginu.

Þetta kemur fram í tilkynningu frá Víking nú í kvöld.

Eva Hrund óskaði eftir því að stíga til hliðar af persónulegum ástæðum.

Gísli Steinar Jónsson, sem var ráðinn aðstoðarþjálfari liðsins í sumar, tekur tímabundið við sem aðalþjálfari liðsins.

"Handknattleiksdeild Víkings óskar Evu alls hins besta og þakkar fyrir gott samstarf" segir í tilkynningunni frá Víking.