Reynir Þór Stefánsson fékk mikið lof fyrir frammistöðu sína þegar MT Melsungen vann sterkan 37-34 sigur gegn Þýskalandsmeisturum SC Magdeburg í gær.

Vegna fjarveru Dainis Kristopans þurfti Reynir enn á ný að leysa stöðu hægri skyttu stöðuna. Reynir skilaði hlutverkinu vel og var tekinn sérstaklega fyrir í þýskri umfjöllun um leikinn.

Melsungen kom Magdeburg í mikil vandræði strax frá upphafi og komst meðal annars í 5-1. Reynir skoraði síðan áttunda mark liðsins með langskoti úr hægri skyttustöðunni og kom Melsungen í 8-4.

Þetta er ekki í fyrsta sinn sem Reynir leysir þessa stöðu með góðum árangri. Aðeins nokkrum dögum áður skoraði hann sjö mörk úr hægri skyttunni í leik Melsungen gegn Wisla Plock í Meistaradeild Evrópu.

Reynir virðist því vera að festa sig í sessi í nýju hlutverki hjá Melsungen og sýna að hann geti leyst hægri skyttustöðuna þrátt fyrir að vera rétthentur.