8. umferðin í þýsku Bundesligunni hefst í kvöld með tveimur leikjum þar sem tvö Íslendingalið verða í eldlínunni.

Rhein-Neckar Löwen, lið Hauks Þrastarsonar, fær Eisenach í heimsókn á meðan Wetzlar, undir stjórn Rúnars Sigtryggssonar, heimsækir Stuttgart. Báðir leikirnir hefjast klukkan 17:00 að íslenskum tíma.

Gísli Þorgeir Kristjánsson, leikstjórnandi Magdeburg, er stoðsendingahæsti leikmaður deildarinnar fyrir umferðina með 40 stoðsendingar. Hann hefur nokkuð forskot á næsta mann en tveir Íslendingar eru meðal fimm efstu á listanum.

Niels Versteijnen hjá Lemgo er í öðru sæti með 29 stoðsendingar og Nicolaj Jørgensen hjá Hamburg í því þriðja með 28. Mathias Gidsel, leikmaður Füchse Berlin, er fjórði með 27 stoðsendingar.

Haukur Þrastarson er síðan í 5. sæti með 26 stoðsendingar og fær tækifæri til að bæta við þann fjölda gegn Eisenach í kvöld.

Flestar stoðsendingar fyrir 8. umferð: