Mark Einars Braga Aðalsteinssonar í leik Kristianstad og Sesvete í 2.umferð Evrópudeildarinnar í gær hefur vakið mikla athygli á samfélagsmiðlum keppninnar.

Króatíska liðið Sesvete og Kristianstad gerðu jafntefli í leiknum 32-32 en Einar Bragi og félagar eru með þrjú stig eftir fyrstu tvær umferðirnar.

Markið sem Einar Bragi skoraði í upphafi leiks í stöðunni 2-2 hefur vakið athygli þar sem hann tekur þrjár gabbhreyfingar í sama markinu. Fyrst þykist hann ætla senda boltann niður í horn, síðan þykist hann ætla senda boltann aftur til baka á miðjumanninn áður en hann snýr boltanum síðan framhjá markverði Sesvete.

Þetta var fyrsta og eina mark Einars Braga í leiknum.

Mark Einars Braga má sjá hér að neðan.

View this post on Instagram

A post shared by EHF European League (@ehfel_official)