Lokaumferðin í Evrópudeild karla verður öll leikin í kvöld en þriðjudagar hafa verið Evrópudeildarkvöld síðustu vikur. Fram leikur gegn Elverum í lokaleik sínum en fullt af Íslendingum eru í eldlínunni í Evrópudeildinni.

Luca Sigrist leikmaður HC Kriens hefur farið á kostum í báðum leikjum liðsins gegn Fram og er kominn á toppinn yfir þá leikmenn sem hafa skorað flest mörk í riðlakeppninni.

Óðinn Þór Ríkharðsson er níundi markahæsti leikmaður keppninnar en Kadetten leikur úrslitaleik í kvöld þar sem liðið þarf sigur til að komast uppúr riðlinum.

Ívar Logi Styrmisson er markahæsti leikmaður Fram í keppninni með 23 mörk sem gerir hann að 38. markahæsta leikmanni keppninnar.

Hér að neðan má sjá lista yfir 10 markahæstu leikmönnum Evrópudeildarinnar.

1. Luca Sigrist (HC Kriens) - 46 mörk
2. Axel Mansson (Kristianstad) - 45 mörk
3. Leon Ljevar (Slovan) - 40 mörk
4. Nemanja Ilic (Toulouse) - 39 mörk
5. Levin Wanner (Bern) - 37 mörk
6. Mads Andersen (Fredericia) - 36 mörk
7. Antonio Llamazares (Porto) - 34 mörk
8. Bence Nagy (FTC) - 34 mörk
9. Óðinn Þór Ríkharðsson (Kadetten) - 33 mörk
10. Nikola Crnoglavac (RK Partizan) - 33 mörk