Nikolaj Jacobsen þjálfari danska landsliðsins hefur valið 35 leikmenn sem nú eru skráðir í hópinn sem hann getur valið úr fyrir Evrópumótið sem hefst um miðjan janúar. Danmörk, Noregur og Svíþjóð halda Evrópumótið í janúar.

Frestur til að skrá 35 manna leikmannahópa fyrir Evrópumótið í janúar rennur út í hádegi í dag en Snorri Steinn Guðjónsson sendi sinn lista út fyrir hádegi í dag en listinn hefur ekki verið tilkynntur opinberlega.

,,Ég hef reynt að setja saman eins breiðan hóp og mögulegt er, þannig að við séum eins vel tryggð ef óheppileg atvik eiga sér stað og meiðsli koma upp. Sem betur fer hef ég marga hæfileikaríka leikmenn til að kalla í," sagði Nikolaj Jacobsen er hópurinn var kynntur.

Þann 18. desember mun Nikolaj Jacobsen velja lokahóp sinn fyrir Evrópumótið, hópurinn verður kynntur á blaðamannafundi í Herning, sem einnig verður heimavöllur Danmerkur á mótinu.

Thomas Arnoldsen leikmaður Álaborgar sem meiddist illa á hné fyrir stuttu er hluti af 35 manna leikmannahópnum en gert var ráð fyrir því að hann myndi missa af mótinu vegna meiðslanna. En landsliðsþjálfarinn vill halda hurðinni opinni og ákvað því að hafa hann á listanum.

,,Ég held bara möguleikanum opnum ef hann skyldi vera tilbúinn til að taka þátt í litlum mæli undir lok Evrópumótsins," útskýrir Nikolaj Jacobsen.

Mesta athyglin vekur að Niklas Landin sem hefur gefið það út að hann sé hættur að leika með danska landsliðinu er á listanum ásamt fjórum öðrum markvörðum. Nikolaj Jacobsen tók fram að Landin væri einungis á listanum ef meiðsli koma upp hjá öðrum markmönnum liðsins.

,,Þar sem við erum að spila á heimavelli hefur Niklas samþykkt að vera tilbúinn ef eitthvað skyldi koma upp. Það er gott öryggi að hafa hann,“ sagði Nikolaj Jacobsen.

35 manna hópur Danmerkur fyrir EM:

Markverðir:

Emil Nielsen, FC Barcelona

Kevin Møller, SG Flensburg-Handewitt

Mikkel Løvkvist, Paris Saint-Germain

Bertram Obling, VfL Gummersbach

Niklas Landin, Aalborg Håndbold

Hornamenn:

Emil Jakobsen, SG Flensburg-Handewitt

Magnus Landin, THW Kiel

Johan P. Hansen, Skanderborg AGF Håndbold

Niclas Kirkeløkke, SG Flensburg-Handewitt

Martin Bisgaard, Fredericia HK

Frederik Bjerre, GOG

Buster Juul, Aalborg Håndbold

Frederik Bo Andersen, HSV Hamburg

Tobias Nielsen, HØJ

Oskar Vind, GOG

Línumenn:

Magnus Saugstrup, SC Magdeburg

Lukas Jørgensen, SG Flensburg-Handewitt

Simon Hald, Aalborg Håndbold

Emil Bergholt, Skjern Håndbold

Frederik Ladefoged, Dinamo Bucuresti

Andreas Magaard, HSV Hamburg

Útileikmenn:

Mathias Gidsel, Füchse Berlin

Mads Hoxer, Aalborg Håndbold

Simon Pytlick, SG Flensburg-Handewitt

Rasmus Lauge, Bjerringbro-Silkeborg

Lasse Andersson, Füchse Berlin

Thomas Arnoldsen, Aalborg Håndbold

Lasse Møller, SG Flensburg-Handewitt

Jacob Lassen, HSV Hamburg

Hjalte Lykke, GOG

Mads Mensah Larsen, Skjern Håndbold

Marinus Munk, Aalborg Håndbold

Nicolaj Jørgensen, HSV Hamburg

Frederik Tilsted, Sønderjyske

Mads Svane Knudsen, Bjerringbro-Silkeborg