Fyrrverandi handboltakappinn og núverandi framkvæmdastjóri danska félagsins, Mors-Thy, Ian Marko Fog, mætir fyrir rétt í Holstebro þann 11. desember næstkomandi.

Hann er ákærður fyrir umferðarlagabrot þar sem lögreglan telur að hann hafi ekki farið rétt eftir stöðunvarskyldu á gatnamótum við Præstbrovej nálægt Erslev í apríl.

Fog á í hættu að fá allt að 2.000 danskra krónu sekt og sviptingu ökuleyfis ef hann verður sakfelldur. Hann neitar sjálfur að hafa ekið ólöglega og brotið umferðarreglu.

Hann bendir á skort á merkingum sem ástæðu ágreiningsins:

„Vandamálið er bara að það er hvorki skýr stöðvunarlína né stöðvunarskilti,“ segir hann við Se og Hør og leggur áherslu á að hann hafi náð áttum og stoppað áður en hann ók áfram.

Fog segist telja sig vera varkáran og reynslumikinn ökumann sem sé ekki vanur að taka áhættu í umferðinni.