Fram tók á móti Selfoss í fyrsta leik 16.umferðar Olís deildar kvenna í kvöld í Úlfarsárdalnum.

Leikurinn var jafn í stöðunni 2-2 en þá gáfu Fram stelpur í og skildu Selfoss eftir. Fram var komið með fimm marka forskot um miðbik fyrri hálfleiks og leiddu í hálfleik 15-9.

Þær héldu uppteknum hætti í síðari hálfleik og bættu jafnt og þétt í forskotið og munaði heldur betur um tapaða bolta en Selfyssingar töpuðu helmingi fleiri boltum í kvöld heldur Fram eða 24 talsins.

Lokatölur í leiknum yrðu fimmtán marka sigur Fram, 34-19 og eru þær með sigrinum komnar í 3.sæti deildarinnar með 17 stig en Selfoss situr áfram á botninum.

Hulda Dagsdóttir var markahæst í liði Fram í kvöld með 7 mörk en hjá Selfoss var Marte Syverud markahæst með 4 mörk.

Sjáðu stöðuna í deildinni.