Í kvöld mættust Fjölnir og Víkingur í Grill 66 deild kvenna en leikið var í Egilshöll.

Leikurinn reyndist vera hörkuleikur.

Í byrjun leiks voru Fjölnis stelpur mun sterkari og ákveðnari. Eftir korters leik var staðan 8-6 fyrir þeim. Restin af fyrri hálfleik var svo gríðarlega jafn og spennandi. Fór það svo að staðan í hálfleik var 11-11.

Víkings stelpur byrjuðu betur í seinni hálfleik en svo var leikurinn gríðarlega allan hálfleikinn. Liðin skiptust á að jafna og hafa forskotið. Var jafnt á nánast öllum tölum allt til loka. Fór það svo að lokatölur urðu 25-25. Hörkuspennandi og skemmtilegur leikur.

Hjá Víking voru Auður Brynja Sölvadóttir og Valgerður Elín markahæstar með 7 mörk. Klaudia varði 4 skot.

Hjá Fjölni var Stefanía Ósk Engilbertsdóttir markahæst með 12 mörk. Signý Pála varði 12 skot.

Sjáðu stöðuna í deildinni.