Landsliðsmaðurinn, Bjarki Már Elísson er á sínu fjórða tímabili með ungverska stórliðinu ONE Veszprém og verður samningslaus eftir tímabilið. Bjarki gekk í raðir Veszprém sumarið 2022 eftir níu ár í Þýskalandi þar sem hann lék með Eisenach, Fuchse Berlín og Lemgo.

Nú gæti hinsvegar verið komið að tímamótum hjá Bjarka Má í Ungverjalandi en samkvæmt heimildum Handkastsins ríkir óvissa um framtíð Bjarka Más á ferlinum.

Bjarki Már hefur lítið viljað tjá sig við Handkastið um stöðu mála hjá sér en sagði að hans mál væru í vinnslu.

Handkastið hefur heyrt í erlendum sérfræðingum sem hafa talað um margir samningslausir vinstri hornamenn í evrópskum handbolta væru á erfiðum stað við samningsborðið og væru margir vinstri hornamenn að leita sér af nýjum atvinnuveitanda þessa stundina.