Sara Rún Gísladóttir hefur framlengt samningi sínum við uppeldisfélag sitt Fram. Hefur Sara Rún skrifað undir samning til gildir til ársins 2029.

,,Sara Rún hefur farið mikinn á tímabilinu með Fram 2 í Grill-deildinni og er ein af markahæstu leikmönnum deildarinnar. Það verður spennandi að sjá þróun hennar með okkur á næstu misserum. Sara Rún, systur hennar tvær, Brynja og Íris, sem og foreldrar hennar, Gísli og Lilja eru mjög áberandi hér í starfinu í félaginu og erum við hæstánægð með að halda okkar fólki hjá okkur og sjá það vaxa og dafna," segir í tilkynningunni frá Fram.

Sara Rún hefur skorað sjö mörk í 14 leikjum með Fram í Olís-deild kvenna á tímabilinu en hún hefur hinsvegar skorað 123 mörk í Grill66-deildinni í vetur með Fram 2 þar sem hún er þriðji markahæsti leikmaður deildarinnar á eftir Katrínu Helgu Davíðsdóttur leikmanni Aftureldingar og Laufeyju Helgu Óskarsdóttur leikmanni Val 2.