Stiven Tobar Valencia (Stephanie Wunderl / AFP)
Portúgalska félagið, Benfica sem vinstri hornamaðurinn, Stiven Tobar Valencia leikur með vekur athygli á stórkostlegri stoðsendingu Íslendingsins í leik með Benfica á dögunum. Þar á hann línusendingu á línumanninn, Fabio Silva aftur fyrir bak eftir að hafa fintað einn varnarmann áður. Fabio Silva nýtti sér sendingu Stivens og skoraði laglegt mark í kjölfarið. Handkastið greindi frá því í morgun að samningur Stivens hjá Benfica renni út í sumar og gæti hornamaðurinn sem er uppalinn í Val verið á förum frá félaginu í sumar. Stoðsendinguna og markið er hægt að sjá hér að neðan.

Handkastið er hlaðvarpsþáttur og fréttamiðill um íslenskan og erlendan handbolta.
Ritstjórar eru Arnar Daði Arnarsson og Styrmir Sigurðsson.