Landsliðsmaðurinn, Ýmir Örn Gíslason lék sinn 200. leik í þýsku úrvalsdeildinni í gær þegar Göppingen vann þriggja marka sigur á útivelli gegn Lemgo 27-30. Ýmir Örn komst hinsvegar ekki á blað í leiknum.

Ýmir hefur leikið með Göppingen frá árinu 2024 en þar áður lék hann með Rhein Neckar Löwen en hann gekk í raðir Rhein-Neckar Löwen sumarið 2020 frá uppeldisfélagi sínu Val.

Ýmir hefur verið lykilmaður með íslenska landsliðinu í fjölmörg ár en síðasta sumar framlengdi hann samningi sínum við Göppingen til ársins 2028.