Í kvöld mættust Valur 2 og Víkingur í Grill 66 deild kvenna en leikið var á Hlíðarenda.

Mikið jafnræði var með liðunum í upphafi leiks. Fyrsta korterið var hnífjafnt og var staðan 8-6 fyrir Val á þeim tíma. Áfram hélt þetta á þessum nótum og var Valur alltaf 2-3 mörkum yfir. Staðan í hálfleik var 14-11 fyrir heimastúlkur.

Í byrjun seinni hálfleiks náði Valur fljótlega góðu forskoti og komust í 20-14. Víkings stelpur áttu þá frábæra rispu og minnkuðu muninn í 21-20 þegar korter var eftir. Seinasta korterið voru svo Valur mun betri aðilinn og unnu þann kafla 12-6. Lokatölur leiksins urðu 33-27.

Hjá Val 2 var Laufey Helga Óskarsdóttir í sérflokki og setti 12 mörk. Elísabet Millý varði 13 skot.

Hjá Víking var Valgerður Elín Snorradóttir markahæst með 11 mörk. Þyrí Erla varði 10 skot.

_{Sage By Saga Sif styður kvennaumfjöllun Handkastsins - Kóðinn: handkastid veitir 15% afslátt í vefverslun Sage By Saga Sif}.

Sjáðu stöðuna í deildinni.