Fjölnir og Grótta mættust í kvöld í Grill 66 deild kvenna en leikið var í Egilshöll.

Fyrsta korterið voru Fjölnis stelpur betri aðilinn og voru yfir 8-7 um miðbik fyrri hálfleiks. Voru þær að leika mjög vel. Seinna korterið í fyrri hálfleik var eign Gróttu stúlkna sem voru mun sterkari og voru verðskuldað 12-14 yfir í hálfleik.

Í seinni hálfleik héldu Gróttu stelpur áfram uppteknum hætti og voru lengst af alltaf 3-4 mörkum yfir. Fjölnir náði mest að minnka muninn niður í 2 mörk þegar rúmar 10 mínútur voru eftir en nær komust þær ekki. Urðu lokatölur 21-28 fyrir gestina af Seltjarnarnesi. Sanngjarn útisigur og Grótta lifir enn í voninni um að komast beint upp en þá þarf HK að misstíga sig í síðustu umferðinni.

Hjá Fjölni var Signý Pála Pálsdóttir með 12 bolta varða. Berglind Benediktsdóttir var markahæst með 8 skot.

Hjá Gróttu var Andrea Gunnlaugs með 12 varin skot. Katrín Scheving og Ída Margrét voru báðar með 8 mörk.

_{Sage By Saga Sif styður kvennaumfjöllun Handkastsins - Kóðinn: handkastid veitir 15% afslátt í vefverslun Sage By Saga Sif}.

Sjáðu stöðuna í deildinni.