Næst síðasta umferðin í Olís-deild kvenna fer fram í kvöld en fjórir leikir hefjast allir klukkan 18:00. Markahæstu leikmenn deildarinnar þær Sara Dögg Hjaltadóttir og Sandra Erlingsdóttir mætast í Vestmannaeyjum þegar ÍBV tekur á móti ÍR.

Þriðji markahæsti leikmaður deildarinnar Jóhanna Margrét Sigurðardóttir fer á Selfoss þar sem Haukar heimsækja Selfoss í síðasta heimaleik Selfyssinga á tímabilinu.

Handkastið hefur tekið saman markahæstu leikmenn Olís-deildarinnar eftir 19.umferðina:

1. Sara Dögg Hjaltadóttir (ÍR) - 184 mörk
2. Sandra Erlingsdóttir (ÍBV) - 148 mörk
3. Jóhanna Margrét Sigurðardóttir (Haukar) - 135 mörk
4. Birna Berg Haraldsdóttir (ÍBV) - 126 mörk
5. Natasja Hammer (Stjarnan) - 118 mörk
6. Lovísa Thompson (Valur) - 109 mörk
7. Rakel Oddný Guðmundsdóttir (Haukar) - 97 mörk
8. Mia Kristin Syverud (Selfoss) 91 mark
9. Þórey Anna Ásgeirsdóttir (Valur) - 90 mörk