Sigurður Jefferson Guarino sem á dögunum gekk í raðir bikarmeistara Hauka frá HK hefur verið valinn í nýjasta landsliðshóp Bandaríkjanna. 16 leikmenn voru valdir í verkefnið sem framundan er.

Framundan er Norca-meistaramótið sem fram fer daga 11.-17.maí en mótið fer fram í Bandaríkjunum nánar tiltekið í í TBK Bank Sports Complex höllinni í Bettendorf í Iowa.

Þar mætir bandaríska landsliðið Grænlandi, Mexíkó og Kanada en um er að ræða undankeppni fyrir heimsmeistaramótið 2027. Á mótinu taka þátt landslið frá Norður-Ameríku og Karíbahafi.

Sigurður Jefferson sem leikið hefur verið með HK allan sinn feril lék sinn fyrsta landsleik fyrir Bandaríkin á síðasta ári og hefur nú fest sig í sessi í landsliðshópi Bandaríkjanna. Liðið gæti unnið sér inn þátttökurétt á heimsmeistaramótinu á næsta ári með góðum árangri í maí og þá verður að teljast ansi líklegt að fyrsta heimsmeistaramótið myndi bíða Sigurðar.

View this post on Instagram

A post shared by USA Men's National Team Handball (@usahandballmnt)