Það er ljóst eftir 69. ársþing HSÍ sem fram fór í síðustu viku að leikið verður í 10 liða Olís-deild kvenna á næstu leiktíð. Þar með verður liðum í Olís-deild kvenna fjölgað um tvö lið en leikin hefur verið átta liða Olís-deild kvenna undanfarin ár.

Rætt var um fjölgunina í Handboltahöllinni í Sjónvarpi Símans í vikunni þar sem Hörður Magnússon spurði Rakel Dögg Bragadóttur fyrrum landsliðsmann og núverandi yngri landsliðsþjálfara út í hennar skoðun á fjölguninni.

,,Ég er virkilega ánægð með þessa breytingu. Ég var að vonast til að þessi tillaga færi í gegn og mér finnst það mjög jákvætt að fjölga í deild þeirra bestu og fá fleiri lið inn í það umhverfi þar sem eru meiri kröfur, bæði á umgjörð og á leikmennina og liðin. Við höfum líka séð það að það hafa verið hörkurimmur í þessum umspilsleikjum og það hafa Grill66-deildarlið slegið út Olís-deildarlið í bikarkeppninni. Við erum alveg með lið sem munu sóma sig vel í Olís-deildinni og ég tel þetta mjög jákvætt að við séum að fjölga liðum.”

Frekari umræðu um málið má sjá hér að neðan.