Andri Már Rúnarsson leikmaður HC Erlangen í þýsku úrvalsdeildinni hefur ekkert leikið með liðinu að undanförnu en liðið hefur óvænt sogast í fallbaráttu fyrir síðustu tvær umferðirnar í deildinni.

Andri Már hefur verið að glíma við nárameiðsli frá því í apríl og hefur því ekkert leikið með liðinu í maí mánuði. Hann sagði í samtali við Handkastið á dögunum að þetta væri allt að þróast í rétta átt en hvort hann gæti leikið með liðinu í lokaleikjunum væri ómögulegt að segja til um.

Erlangen hefur tapað fimm leikjum í röð og síðan gegn HSG Wetzlar sem fór uppúr fallsæti með sigrinum gegn Erlangen. Erlangen er fjórum stigum frá fallsæti en liðið mætir Bergischer í næstu umferð og Stuttgart í lokaumferðinni.

Það þyrfti allt að fara á versta veg svo Erlangen myndi sogast niður í fallsæti.

Handkastið greindi frá því um helgina að Viggó Kristjánsson hafi leikið sinn síðasta leik fyrir Erlangen á tímabilinu en hann þarf að gangast undir aðgerð vegna meiðsla.