MT Melsungen tryggði sér sæti í úrslitaleik Evrópudeildarinnar eftir öruggan 37-30 sigur á SG Flensburg-Handewitt í undanúrslitunum í Hamborg. Melsungen var yfir 15-14 í hálfleik og keyrði síðan yfir andstæðingana í síðari hálfleik.

Leikurinn var jafn framan af og munaði aðeins einu marki á liðunum í hálfleik. Í síðari hálfleik náði Melsungen hins vegar tökum á leiknum og jók forskotið jafnt og þétt þar til munurinn var orðinn sjö mörk þegar upp var staðið.

Með sigrinum komst Melsungen í úrslitaleik Evrópudeildarinnar og fær þar tækifæri til að berjast um fyrsta Evróputitil félagsins. Flensburg, sem hafði unnið keppnina tvö ár í röð, féll hins vegar úr leik í undanúrslitunum.

Arnar Freyr Arnarsson skoraði 2 mörk í leiknum og Reynir Þór Stefánsson skoraði 1 mark en báðir voru með 100% skotnýtingu.

Melsungen mæta því Kiel í úrslitaleik á morgun en Kiel vann Montpellier fyrr í dag.