Vaka Líf Kristinsdóttir hefur framlengt samningi sínum við ÍR. Þetta tilkynnti félagið á samfélagsmiðla síðu sinni í kvöld.

Vaka Líf skoraði 81 mark í 18 leikjum með ÍR í Olís-deildinni á síðustu leiktíð en í mars varð hún fyrir því óláni að slíta krossband í æfingaleik með ÍR gegn FH, ,,en hún mun koma tvíefld til baka úr meiðslunum," segir í tilkynningunni frá ÍR.

,,Það eru mikil ánægjutíðindi að Vaka Líf framlengi enda uppalinn ÍR-ingur sem mun leika lykilhlutverk í meistaraflokki kvenna næstu árin," segir ennfremur í tilkynningunni frá félaginu.

Vaka var næst markahæsti leikmaður liðsins á síðasta tímabili og það verður erfitt að fylla hennar skarð á næstu leiktíð fyrir Davíð Georgsson nýráðinn þjálfara liðsins en Vaka var lykilmaður bæði varnar og sóknarlega hjá ÍR.