María Leifsdóttir hefur framlengt samningi sínum við ÍR til ársins 2029. Þetta tilkynnti félagið á samfélagsmiðlum sínum í morgun.

María sem er uppalinn ÍR-ingur er fædd árið 2004 og er skytta að upplagi. Hún fékk vaxandi hlutverk á síðasta tímabili en hún varð fyrir meiðslum í upphafi tímabils en kom sterk inn í spennandi lið ÍR á miðju tímabili og stimplaði sig vel inn bæði varnar og sóknarlega.

,,Það verður gaman að fylgjast með henni taka næstu skref á komandi tímabilum. Það er gleðiefni fyrir okkur ÍR-inga að María leiki áfram á heimaslóðum," segir í tilkynningunni frá ÍR.

María skoraði 17 mörk í 23 leikjum fyrir ÍR á síðustu leiktíð en liðið féll út í 6-liða úrslitum úrslitakeppninnar eftir tap gegn Fram.

Þjálfarabreytingar urðu á liði ÍR eftir tímabilið og tók Davíð Georgsson við liðinu ásamt Björgvini Þór Hólmgeirssyni.