Ungverski markvörðurinn Bernadett Leiner hefur samið við kýpverska félagið Strovolou eftir eins árs dvöl hjá KA/Þór í Olís-deild kvenna.

Leiner kom til Akureyrar fyrir tímabilið 2025/26 og var markvörður KA/Þórs á nýliðinni leiktíð ásamt Mateu Lonac. Eftir að Matea Lonac fékk þungt höfuðhögg í janúar jókst spilatími Leiner töluvert hjá nýliðum KA/Þórs.

Nú liggur leið hennar til Kýpur þar sem hún mun leika með Strovolou á komandi keppnistímabili.

Bernadett Leiner var með rúmlega 26% markvörslu í marki KA/Þórs á síðustu leiktíð en liðið hefur fengið Ingibjörgu Hauksdóttur til að fylla skarð Ungverjans.

View this post on Instagram

A post shared by SPE Strovolou Handball (@spe_strovolou_handball)