Íslensku stelpurnar í U16 ára landsliðinu unnu sinn fyrsta leik á mótinu þegar þær lögðu Litháen 18-12 eftir að hafa verið 8-6 yfir í hálfleik.

Þetta var fjórði leikur liðsins á mótinu en fyrsti sigurleikurinn og er hann því kærkominn.

Sara Sveinsdóttir var markahæst í íslenska liðinu með 4 mörk, Helga Jenný Vigfúsdóttir, Tinna Dröfn Hauksdóttir og Kristín Einarsdóttir skoruðu 3 mörk hver, Hrefna Dís Valgeirsdóttir skoraði 2 mörk og Emiliía Guðný Magnúsdóttir, Anja Gyða Vilhelmsen og Freydís Ragna Kristjánsdóttir skoruði 1 mark hver.

Á morgun hefst svo krossspil þar sem spilað verður upp á sæti.