Stelpurnar í U16 ára landsliðinu töpuðu lokaleik sínum á Opna Evrópumótinu gegn Slóvakíu fyrr í dag.

Slóvakía hafði betur 18-13 eftir að hafa verið 8-7 yfir í hálfleik. Í stöðunni 13-12 Slóvakíu í vil í seinni hálfleik kom slæmur kafli hjá íslensku stelpunum og reyndust Slóvakarnir sterkari á lokakaflanum og unnu fimm marka sigur 18-13.

Kristín Einarsdóttir var markahæst í liði Íslands með fimm mörk og Tinna Dröfn Hauksdóttir skoraði þrjú mörk.

Íslenska liðið vann einn leik og gerði tvö jafntefli á mótinu en liðið tapaði síðan fjórum leikjum en um var að ræða fyrstu opinberlegu landsleikir stelpnanna.

Markaskorarar Íslands í leiknum í dag: Kristín Einarsdóttir 5, Tinna Dröfn Hauksdóttir 3, Elma Kolbrún Bjarnadóttir 2, Hrefna Dís Valgeirsdóttir 1, Sara Sveinsdóttir 1, Anja Gyða Vilhelmsen 1.