Íslenska U20 ára karlalandsliðið tryggði sér sæti í milliriðli Evrópumótsins í Rúmeníu með sigri á Lettlandi í lokaumferð riðlakeppninnar í gær.

Nú liggur fyrir að Ísland leikur í milliriðli tvö þar sem mótherjarnir verða Danmörk og Króatía. Króatar tryggðu sér sæti í milliriðlinum eftir dramatískan eins marks sigur á Noregi í lokaumferð riðlakeppninnar.

Danmörk og Spánn hefja leik í milliriðlinum með tvö stig hvort, en Ísland og Króatía eru stigalaus. Ísland mætir Króatíu á morgun, mánudag, klukkan 14:00 að íslenskum tíma, áður en liðið leikur gegn Danmörku á þriðjudaginn, einnig klukkan 14:00.

Mikið er undir í viðureigninni gegn Króatíu þar sem tvö bestu þriðja sætis liðin í milliriðilinum þremur tryggja sér sæti í átta liða úrslitum Evrópumótsins.

Sigur gegn Króötum myndi því styrkja stöðu íslenska liðsins verulega og gæti komið því langleiðina í átta liða úrslitin fyrir lokaleikinn gegn sterku liði Dana.

Staðan í milliriðlunum:

Milliriðill 1

• Sviss – 2 stig
• Þýskaland – 2 stig
• Frakkland – 0 stig
• Færeyjar – 0 stig

Milliriðill 2

• Danmörk – 2 stig
• Spánn – 2 stig
• Ísland – 0 stig
• Króatía – 0 stig

Milliriðill 3

• Svíþjóð – 2 stig
• Ungverjaland – 2 stig
• Slóvenía – 0 stig
• Rúmenía – 0 stig