Íslenski landsliðsmaðurinn Elliði Snær Viðarsson hefur verið útnefndur nýr fyrirliði þýska úrvalsdeildarliðsins VfL Gummersbach.

Elliði tekur við fyrirliðabandinu af Julian Köster, sem yfirgaf félagið í sumar og gekk til liðs við THW Kiel eftir að hafa gegnt hlutverkinu í fjögur ár.

Hinn 28 ára gamli Eyjamaður hefur leikið með Gummersbach frá árinu 2020 og var áður varafyrirliði liðsins. Félagið staðfesti ákvörðunina í tilkynningu frá félaginu í dag.

Elliði hefur skorað 428 mörk í 124 leikjum í þýsku úrvalsdeildinni fyrir Gummersbach. Þar að auki á hann að baki 67 leiki og 191 mark í þýsku 2.deildinni.

Með Gummersbach leika þeir Garðar Ingi Sindrason og Teitur Örn Einarsson en Guðjón Valur Sigurðsson stýrir liðinu.