Leikjaniðurröðun riðlakeppni Evrópudeildar karla liggur nú fyrir og bæði Valur og FH hafa fengið dagsetningar á sína sex leiki í riðlakeppninni.

Valur byrjar keppnina á heimavelli gegn danska félaginu, Mors-Thy en FH hefur keppni á Spáni gegn Bidasoa Irun. Alls eru 32 lið í riðlakeppninni og verða leiknar sex umferðir áður en komið er að útsláttarkeppninni.

Valur er í H-riðli ásamt Mors-Thy frá Danmörku, MOL Tatabánya frá Ungverjalandi og RD LL Grosist Slovan frá Slóveníu.

FH er í B-riðli með Bidasoa Irun frá Spáni, Limoges frá Frakklandi og Marítimo da Madeira frá Portúgal.

Valur hefur keppni á heimavelli 29. september þegar Mors-Thy kemur í heimsókn. Í 2. umferð sækja Valsmenn Slovan heim áður en MOL Tatabánya kemur til Íslands í 3. umferð.

Eftir hlé í keppninni sækir Valur síðan Tatabánya heim í nóvember og mætir síðan Mors-Thy á útivelli. Riðlakeppninni lýkur svo á heimavelli gegn Slovan í desember.

Leikir Vals:

• 29. september: Valur – Mors-Thy
• 6. október: RD LL Grosist Slovan – Valur
• 13. október: Valur – MOL Tatabánya
• 17. nóvember: MOL Tatabánya – Valur
• 24. nóvember: Mors-Thy – Valur
• 1. desember: Valur – RD LL Grosist Slovan