Leikjaniðurröðun riðlakeppni Evrópudeildar karla liggur nú fyrir og bæði Valur og FH hafa fengið dagsetningar á sína sex leiki í riðlakeppninni. 

Valur byrjar keppnina á heimavelli gegn danska félaginu, Mors-Thy en FH hefur keppni á Spáni gegn Bidasoa Irun. Alls eru 32 lið í riðlakeppninni og verða leiknar sex umferðir áður en komið er að útsláttarkeppninni.

FH byrjar Evrópuævintýri sitt á útivelli. Bidasoa Irun tekur á móti Hafnfirðingum 29. september. FH fær síðan Limoges í heimsókn í 2. umferð áður en liðið heldur til Portúgals og mætir Marítimo da Madeira.

Í nóvember kemur Marítimo til Íslands og í næstu umferð mætir FH Bidasoa á heimavelli. Síðasti leikur FH í riðlakeppninni verður svo gegn Limoges á útivelli í desember.

Leikir FH:

• 29. september: Bidasoa Irun – FH
• 6. Október: FH – Limoges
• 13. Október: Marítimo da Madeira – FH
• 17. Nóvember: FH – Marítimo da Madeira
• 24. Nóvember: FH – Bidasoa Irun
• 1. desember: Limoges – FH

VALUR BYRJAR RIÐLAKEPPNI EVRÓPUDEILDARINNAR Á HEIMAVELLI