ÍBV gerði góða ferð á Selfoss í dag og vann Víking nokkuð sannfærandi með 20 marka mun, 49-29 en Víkingur eru nýliðar í Olís-deildinni á komandi tímabili.

Í gær tapaði Víkingur með 19 mörkum gegn Grill66-deildarliði Selfoss, 39-20.

Um miðjan fyrri hálfleik leiddi ÍBV með fimm mörkum 13-8 en Sara Björg Davíðsdóttir og Ivana Meincke fóru mikið í markaskorun Víkings og skoruðu fyrstu sex mörk liðsins.

Töluvert vantaði í lið ÍBV í leiknum í kvöld en það hafði ekki áhrif á markaskorun liðsins í fyrri hálfleik því þegar komið var í hálfleikinn hafði liðið skorað 26 mörk gegn 19. ÍBV gaf síðan í í seinni hálfleiknum og uppskar eins og fyrr segir tuttugu marka sigur 49-29.

Amelía Dís Einarsdóttir og Sandra Erlingsdóttir voru markahæstar í liði ÍBV með níu mörk hvor. Andrea Jacobsen skoraði átta og Birna Berg Haraldsdóttir fimm. Ásta Björt Júlíusdóttir skora fimm mörk ásamt Klöru Káradóttur.

Tara Sól Úranusdóttir varði 5 skot og Sigurrós Sverrisdóttir 1 í sínum fyrsta meistaraflokks leik.

Hjá Víking Ivana Meincke markahæst á línunni með níu mörk. Sara Björg Davíðsdóttir skoraði sex mörk og Svava Lind Gísladóttir skoraði fimm. Anita Muratovic skoraði fjögur mörk fyrir Víking.