KA/Þór vann Víking með sex mörkum í fyrsta leik sínum á Ragnarsmóti kvenna í kvöld en þetta var á sama tíma þriðji leikur Víkings sem töpuðu öllum leikjum sínum á mótinu.

KA/Þór voru fámennar í leiknum í kvöld með aðeins tíu leikmenn á leikskýrslu en þær voru 17-13 yfir í hálfleik eftir að staðan hafi verið jöfn 13-13. KA/Þór hélt forystunni út allan leikinn og uppskar að lokum sex marka sigur, 29-23.

Víkingur minnkaði muninn í tvö mörk í stöðunni 20-18 í seinni hálfleik en nær komust þær ekki. 

Jóan Rúnadóttir var markahæst í liði KA/Þór með átta mörk og Bergrós Ásta Guðmundsdóttir skoraði sjö. Hafrún Linda Guðmundsdóttir skoraði fimm mörk og Agata Djurhuus á línunni skoraði fjögur mörk. 

Hjá Víking var Sara Björg Davíðsdóttir markahæst með sjö mörk. Anita Muratovic skoraði fimm og Ivana Meincke skoraði fjögur ásamt Svövu Lind Gísladóttur. 

KA/Þór mætir ÍBV á morgun og loks Selfoss í lokaleik Ragnarsmótsins á laugardaginn.